أخر الاخبار

6ابريل ردا على تصريحات "ابو الغار":سقطتم من حساباتنا وسيهزمكم الحلم وسينتصر الشباب

كتب : صايل الخطيب
حركة 6ابريل
حركة 6ابريل

أصدرت حركة 6 ابريل  بياناً ترد فيه علي تصريحات رئيس حزب المصري الديمقراطي الدكتور محمد ابوالغار والتي كان أدلي بها لموقع اليوم السابع وقال فيها أنه لن يجلس مع 6 إبريل كحزب وذلك لأنها حركة محظورة قانوناً، ولأنه وحزبه يحترمون القانون حتي وأن أختلفوا معه.

وصدر البيان من خلال الصفحة الرسمية لحركة شباب 6 إبريل تحت عنوان "ردنا علي ?‏ابوالغار?" وجاء نصه كالتالي:

"السيد محمد أبو الغار رئيس الحزب المصرى الديموقراطى الاجتماعى..وصلنا تعليق حزبكم على صفحته الرسمية بخصوص مقابلتك مع مراسل اليوم السابع واللى وضحت فيه أنك لا تقوم بمقابلة جماعات محظورة قانونا لأنكم تحترمون القانون ونود أن نوضح لحضرتكم الآتى:

أولا…نحن لا نعترف بالقانون المذكور ولا بأى قوانين فاشية هدفها إسكات الأصوات المعارضة وحظرها أو وصفها بالإرهاب مع إفساح المجال فقط للأحزاب الكرتونية لإكمال الديكور السياسى وإظهار صورة زائفة بوجود قوانين ودستور وحياة سياسية فى مصر.
ثانيا….عرفنا حضرتك قامة علمية ووطنية شاركت فى ثورة 25 يناير(اللى هى بالأساس عمل غير قانونى) ووقتها صوتك وصوت غيرك كان عالى فى مواجهة الفساد والظلم…..ثم خفت أصواتكم جميعا بعد 30 يونيو واكتفيتم بدور المعارضة الكارتونية البائسة لدرجة ان حضرتك تتكلم على احترام قانون حظر حركة سياسية.

ثالثا…القانون اللى حضرتك بتحترمة خرج مبارك اللى حضرتك ثرت عليه براءة هو وأحمد عز وحبيب العادلى كمان فى حين انه حبس آلاف من شباب ثورة يناير بحجة التظاهر….ومسمعناش لحضرتك ولا لحزبك ولا لأى من أحزاب الديكور أى تعليق على (القانون) اللى حبسهم…..زى بالظبط ما حضرتك وكتير ممن كنا نعتبرهم شركائنا فى الثورة سكتوا على ذبح الالاف بحجة انهم اخوان أو ان مصر تحارب الإرهاب.

رابعا…لا نحتكر الثورة ولا نزايد ولكن شاركنا مع ملايين المصريين فى ثورة نادت بالعدل للجميع والحرية والكرامة للجميع والحق فى التعبير عن الرأى…وحضرتك جاى تحترم قانون بيحظر نشاط حركة سلمية.

خامسا….لو حضرتك مش واخد بالك انه مفيش أى حياة سياسية فى مصر بالأساس وانه فرد واحد بيحكم البلد من حوالى سنتين بالحديد والنار وهو اللى بيشرع لنفسه وهو اللى بينفذ وهو اللى بيراقب ومفيش أى مؤسسات تانية ولا فيه برلمان …والجميع بما فيهم أحزابكم وقضاؤكم وشرطتكم وجامعاتكم وكله بيسقفوله ويوالسوه و(يعرضوله)…بحجة الارهاب أو الاستقرار أو كراهية فى الاخوان أو لمصالح شخصية أو طمعا فى منصب أو لأسباب تانية …..مش هتفرق.

سادسا…جيلنا تمرد على نظامكم وقوانينكم ومنظوماتكم كلها….انت واللى زيك كنتوا من أسباب فشل ثورتنا..ولو فيه ميزة واحدة للى حصل انه عمل فرز لصفوف الثورة وبان كويس أوى لكل الناس معادن ونوايا ومواقف من كان يطلق عليهم (النخبة).

كسرنا أصنامنا وسقطتم من حساباتنا من زمن ولانريد منكم أى شىء.

سيهزمكم الحلم وسينتصر الشباب".


......
ص.ا

تعليقات الفيسبوك

تعليقات الموقع

اضف تعليق

لا توجد تعليقات على الخبر

أخبار ذات صلة

إستطلاع الرأى

هل تؤيد قرار وزير الأوقاف بمنع صلاة التراويح في رمضان بمكبرات الصوت؟

!

الأكثر قراءة