أخر الاخبار

سعاد صالح:"الطفل بيخاف من معلمته المنتقبة أكتر من اللي لابسة ميني جيب"

كتب : بوابة القاهرة
سعاد صالح
سعاد صالح

وقعت مشادة كلامة في الحوار الذي أداره  الإعلامي شريف عامر، وجمع بين الدكتورة سعاد صالح، أستاذ الفقة المقارن بجامعة الأزهر، والدكتور أحمد كريمة، أستاذ الشريعة الإسلامية بجامعة الأزهر، في برنامج "يحدث في مصر"، المذاع على قناة MBC مصر أمس الخميس، وتجادل الطرفان بسبب حملة "لا للنقاب".

من جهتها أكدت الدكتورة سعاد، أن النقاب ليس فرضًا، ولا يقوم على دليل شرعي، مضيفة "مفيش احتشام في النقاب" وإذا كان سيضر بالمجتمع لابد من منعه.

وأضافت: "الطفل بتاع الحضانة اللي بتكون مدرسته منتقبة بيخاف منها، لكن مبيخافش من اللي لابسة ميني جيب. المنتقبات ليهم سيطرة على المساجد، وبيمنعوا البنات اللي لابسين بناطيل من دخولها".

وهنا رد عليها كريمة "هي مشكلة مصر في النقاب؟ ياريت اللي ضد الحجاب ميتكلموش عن الهيافة، ويناقشوا العدالة الاجتماعية والاقتصاد المتراجع، وولاد الأكابر اللي بياخدوا الوظايف الكبيرة، وبكره نسمع عن مليونية تقول لا للحى، لو هي مش عاجباهم نحلقها".

فأجابته سعاد: "آه نحلقها".

ما استدعى من أستاذ الأزهر ردًا منفعلاً "لو دا كويس للمجتمع، يبقى نقلع العمامة، انتوا ساكتين في الأزهر ليه؟ ما تعملوا حملة ضد المتبرجات؟ محدش فتح بقه ليه على العاريات وبتتكلموا فقط على المحجبات".

 ع د

تعليقات الفيسبوك

تعليقات الموقع

اضف تعليق

لا توجد تعليقات على الخبر

أخبار ذات صلة

إستطلاع الرأى

هل تؤيد قرار وزير الأوقاف بمنع صلاة التراويح في رمضان بمكبرات الصوت؟

!

الأكثر قراءة